دير الزور هنا … ديرالزور
كتبت إحدى الأخوات من أبناء مدينة ديرالزور مقالة تصف فيها الواقع الصحي في المدينة في ظل انعدام الاهتمام والرعاية بهذا القطاع الذي يجب أن يكون أحد أهم القطاعات في ظل انتشار فيروس كورونا
وقالت الآنسة (غ . ك) على موقع فيسبوك في منشور مطول طلبت مشاركته كي يصل إلى من يهمه الأمر :
اول مرة انشر بس الموضوع ماعاد ينسكت عنو..وبالاخص انو الاغلبية هون ديريين واهلهم واحبابهم متواجدين بالدير واي حدا منهم ممكن يتعرض ل هيجذ مواقف الله لايحوجهم طبعا..
يا جماعة قطاع الصحة مين مسؤوول عنو بالدير!!
مو معقول الاهمال لي قام يصير يعني مشفى وحيدة بالدير يلي هي مشفى الأسد ويلي المفروض تضم معاها مشفى الفرات والوطني المفرووووض انها تكون مخدمة من كلشي صح؟! وطبعا هي مابيها ولا اي شي من الخدمة بس حيطان واسم انها مشفى…
افهم بس #حالات_الإسعاف وين نروح بيها؟!
١..تروح عليهم حالة #احتشاء اسعاااافية يطلع مابي دكاترة! ولما يجي دكتور بعدين مايلاقي بي مواد!! لا مميعات ولا غيرو من الادوية ويبعث الاهل يشتروها من برا! لك مشششفى طويل عريض مابيه #سرينغات!! مشفى طويييل عريض مابيه #قثطرة او سيرومات!! معقوووول!!
٢..ترجع تروحلهم حالة صبية معاها نقص كلس حاد واتشنج كل جسمها وماعادت تقدر حت تتنفس.. راحو الصبية واهلها اسعاف عل مشفى مالقو دكاترة كالعادة ولما اجا الدكتور يعطيها مسكن والسلام! مابيها كادر يعرف يشخص الامراض معقووول! عجل ليش مشفى؟! الصبية تقول للدكتور يادكتور ابوس ايدك ماقام اقدر اتنفس وجسمي منمل يقللها #شكون_اعمللجي عطيتوجي مسكن هذا رد دكتور؟! هي مع الافتراض انو لي اجا دكتور ومانو ممرض عادي او مستخدم مع احترامي للجميع واجت البنت تا تروح بيها لولا ستر الله..
هي عدا عن نظافة المشفى يلي ماتمت للنظافة ب صلة!
٣..تروحلهم حالة بنت مستنشقة كلور وفلاش سوا.. ماعندهم لا اوكسجين ولا رذاذ ولا شي!؟
٤..نجي على دور #الهلال_الاحمر العظيم.. العالم تتصل عليهم مشان سيارة اسعاف.. يعني حالة طااااارئة والاهل ب هيجذ حالة يكونون مشدوهين يقوم يلي يرد عالاتصال من جماعة الهلال يقعد #يجلك بالحكي وياخذ الموضوع ب استهتار! وبعد مايطل ياخذ ويعطي ساعة يعطي التلفون ل غيرو انو خوذ شوفهم! ويجي الثاني #يجللك اكثر من الأولاني على ايش بدكم بالسيارة وشكون معاهم بالضبط وشي مايستاهل تجي السيارة وشي يستاهل!!
العالم شكون بدها بسيارة الاسعاف.! تتصور جنبها مثلاً!؟
مين المسؤووول عن كل هالإهمالات؟ وارجع واعيد ممكن اي واحد منا او أهلنا يتعرض لهيجذ مواقف ف خذو الموضوع ب جدية شوي..
