دير الزور هنا … ديرالزور
#ارجعوا #اصحوا_ترجعون
يجوز چثير من اللي طلعوا اختلفت نظرتهم للرجعة عالدير والقعدة بيها بظل الظروف اللي قام تمر بيها أسع..
اللي بالدير يتمنى من كل گلبو ترجع الدير وأهلها مثل ماچانت ويقول الحجر يتعوض ويتعمر بس البشر شيعوضها
وبنفس الوقت مايتمنى أحد يرجع بهاي الظروف لأنه ذاق المر والمرار.. اللي الكل تعرفو من فقر وجوع وقلة.. والكل تعرف أسبابه..
أخت تتصل بأخوها تقول: لاتفكر بالرجعة لأن الدير مو ديرنا الأولية
أخت تتصل بأخوها تقول : خليني أشتريلك بيت أو گاع .. وببالها شغلة وحدةأنه يظل بي شي يربطو بالدير
……
اللي برا شافوا الحياة العصرية والتطور وماينقصهم شي من اقل اقل حقوق الانسان ( المي والكهربا والتعليم والحياة ) ..
البعض منهم يقول : شكون ظل النا بالدير وشكون يغرينا بالرجعة وعليش نرجع .. على دور الفرن والا عالصفة عالبنزين والا عالراتب اللي مايتجاوز قدره اذا زاد بحيل 20 او 25 دولار ..
واحد يقول : اتصل صديقي بعد مااستلم الراتب وراد يجخ على حالو ويشتري قميص وبنطرون راتبو خمسين الف والقميص والبنطرون حقها 25 الف تقريبا…. شلون تريدني ارجع او عليش ارجع
واحد يقول : لو ماني برا الدير وقام ابعث لأهلي چان شحذوا وقتلهم الجوع .. وهم اللي يقولولي اصحى ترجع
قسم چبير يقول: ماطلعنا بكيفنا.. بس يروح السبب اللي طلعنا من وراه.. راح نرجع
::::::
وسط كل هالتناقضات ..
الام اشتاقت لابنها
الاب يريد يشوف احفادو
الولد ماطلع بجنازة ابوه
الاخت من تسع سنين ماشافت اخوها
الاخ مايعرف اي شي عن اهلو غير اللي يشوفو عالتلفون.. ومشكلة التلفون يشوف بس الوجوه.. ومايفتح القلوب.
…..
سولفولنا انتم ..
#هنا_ديرالزور
