سوالف شياب.. بروح شباب

الشايب مرضان وخذوه عالشام يتطبب ولاجت روح العاجوز تريد تلحك وتطمن على شايبها بنفسها ..
خذاها واحد من ولدها وطلعم عالشام وياالله يصلون المشفى ،
فاتت لگتو ممدد عالسرير وغفيان وچان تجي تحب راسو وتقلو :
الدار عگبك ظلمة والبيت مابو روح ..
باطل ياتالي العمر تخلي السبع مطروح ..
يومن سمع صوتها صحصح وچان يكضب إيدها ويقلها :
يامرحبا باللفى وكل الهلا بهالصوت ..
دكتور ماضل وجع ويامرحبا بالموت ..
دنجرت وحبت راسو وچان تقلو :
النزل يچثح سچن من يوم شالوكا ..
معصور قلبي عصر وفوگو ترى بلوكة ..
خنكتو العبرة وچان يقلها :
معدل ياولف الجهل وأبن الأصل صافي ..
ويصون عشرّة عمر وطول العمر وافي ..
ضحكت وچان تقلو :
أنت السلبت العگل من يومنا عجيان ..
وبعروگ دم القلب وشريان من شريان ..
تجلس وچان يصيح للدكتور :
دكتور كف الأبر وفكلي دوا السيروم ..
وإن چاد قلبي صدگ بالدير أبات اليوم ..
#متداول

شاهد أيضاً

الديريون و ((هذاك المرض)) .. قصة كره أزلية

#هذاك_المرض بقلم: أحمد العطرة بين الديريين ومرض السرطان قصة كراهية غير طبيعية لدرجة أنهم ألغوا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *